Bilanir

Hvað getur verið að ef:

1. Vatnið er heitt í köldum krönum?
   a) Líklega er millirennsli í húskerfinu, eða jafnvel í nálægum húsum.
   b) Heitar og kaldar vatnslagnir liggja saman illa einangraðar.
2. Högg eða smellir eru í vatnslögnum?
   a) Oft heyrist í einstreymislokum og getur það verið eðlilegt.
   b) Bilun gæti verið í lögnum eða vél í gangi sem notar vatn og lokar snöggt fyrir.
3. Óhreinindi eru í vatni?
   a) Gæti verið millirennsli, athuga hitastýrð blöndunartæki.
   b) Kaldavatnslagnir í húskerfinu gætu verið farnar að tærast.
   c) Óhreinindi gætu komið úr dreifikerfi vatnsveitu eftir framkvæmdir.
4. Vont bragð er af vatninu?
   a) Nýjar lagnir eða nýviðgerðar, snittolía.
   b) Gæti verið millirennsli, athuga hitastýrð blöndunartæki.
   c) Hugsanlega úr dreifikerfinu eftir framkvæmdir.
5. Húsið er vatnslaust eða þrýstingur lágur?
   a) Verið er að vinna í götunni.
   b) Lokað hefur verið fyrir inntak.
   c) Frosið er í vatnslögnum eða stífla í innanhússlögnum.
   d) Leki er í heimæðinni eða hún í sundur.
6. Suð er í vatnslögnum?
   a) Líklega er sírennsli einhvers staðar í húskerfinu. Ef lokað er fyrir inntakslokann á suðið að hætta, ef ekki þá gæti verið leki í heimæð.
   b) Athugið blöndunartæki og klósettkassa.

Bilanir utanhúss á að tilkynna strax til Norðurorku.
Bilanir innanhúss að stofnloka eru á verksviði pípulagningameistara.