Rafmagnsleysi
Fyrsta spurningin sem gott er að spyrja sig að. Er orsökin innandyra eða hjá veitufyrirtækinu? Séu nærliggjandi hús myrkvuð er líklegast að skýringar sé að leita í bilun eða truflun í dreifiveitu Norðurorku, flutningskerfi Landsnets eða mögulega hjá framleiðendum orkunar. Hægt er að tilkynna bilanir til veitunnar í síma 460-1300 á skirfstofu tíma en annars í bakvakta síma rafveitu 892-1415.
Ef allt virðist í lagi utandyra skaltu athuga rafmagnstöfluna. Lekastraumsrofinn getur hafa slegið út, ef svo er skaltu setja hann hægt inn aftur. Ef það tekst ekki skaltu slökkva á öllum öryggjum og setja hann síðan hægt inn aftur. Ef ekki tekst nú að setja lekastraumsrofann inn þarftu að fá rafvirkja. Ef rofinn aftur á móti tollir inni skaltu setja eitt og eitt öryggi inn í einu þar til þú kemur að biluninni. Hafðu nú öryggið sem bilunin var á úti og settu allt annað inn. Bilunin er á þeim hluta hússins sem er straumlaus og gæti hún verið í rafmagnstæki sem tengt er við þann hluta.
Lekastraumsrofinn (aðalrofinn) slær út ef rafmagn leiðir til jarðar í húsinu, en öryggin ef bilun verður á milli fasa. Oft verður bilun samtímis til jarðar og á milli fasa og slá þá bæði lekastraumsrofinn og öryggið út í einu.
Bilanir innanhúss eru oftast á verksviði rafvirkjameistara.
GERÐU EKKERT NEMA ÞAÐ SEM ER ÖRUGGLEGA Á ÞÍNU FÆRI OG EF ÞÚ ERT EKKI 100% VISS UM STÖÐUNA HAFÐU ÞÁ SAMBAND VIÐ RAFVIRKJAMEISTARA EÐA NORÐURORKU!
BAKVAKT