Það eru mikil lífsgæði fólgin í því að eiga kost á nægilegu magni af heitu vatni og þar sem svo háttar til að frístundahúsabyggð er í nágrenni við dreifikerfi Norðurorku er það sjálfsagt mál að húseigendur tengist veitunni.
Þó þarf að hafa í huga að metið er í hverju falli hvort tæknilegar og fjárhagslegar forsendur eru fyrir tengingu frístundahúsa við veitukerfið og áskilur Norðurorka sér rétt til þess að setja sérstök skilyrði fyrir tengingu þegar veruleg frávik eru fyrir hendi eða í versta falli að hafna tengingu húss við veitukerfið.
Meðal skilyrða sem kunna að verða sett eru að eigandi fasteignar skuldbindi sig til þess að kaupa ákveðið lágmarks magn vatns til þess að tryggja eðlilega nýtingu vatnsins sem orkumiðils.
Sú almenna regla gildir um frístundahús/sumarhús að lágmarks kaup þeirra skulu vera 300 rúmmetrar á ári eða 12.800 kílóvattsstundir í orkumælingu (Reykjaveita).
Annað atriði sem rétt er að benda á er að sú skylda hvílir á eigendum frístundahúsa, hesthúsa o.s.frv. að koma fyrir sérstökum tengikassa utan á húsum sínum þar sem inntaki, tengigrind og öðrum nauðsynlegum búnaði skal komið fyrir, eins og nánar er fjallað um undir tæknilegum skilmálum hér til hliðar.
BAKVAKT