Frístundahús hafa ákveðna sérstöðu sem rétt er að hafa í huga þegar þau eru tengd við hitaveitu. Koma þar m.a. til atriði eins og þau að oft er viðvera þar takmörkuð, byggingarefni er oftar en ekki viðkvæmt fyrir heitu vatni og fleira þess háttar. Þessi atriði er vert að hafa í huga þegar húsin eru byggð og neysluveita þeirra er hönnuð. Af þessum ástæðum er mjög algengt að valin eru svo nefnd lokuð hitakerfi með frostlegi í þessi hús.
Þá er einnig mikilvægt að hafa í huga að virkni hitaveitu byggir á því að rennsli sé hæfilega mikið þannig að vatnið sem orkumiðill virki sem skyldi. Því er mikilvægt að eigendur frístundahúsa gæti sín á því að stilla hitakerfi húsanna með þeim hætti að tekið sér tillit til eðli hitamiðilsins og rennsli sé nægilegt til þess að ekki sé hætta á frostskemmdum.
Í tæknilegum tengiskilmálum fyrir hitaveitur er svohljóðandi skilgreining um frístundahús;
1.2.15 Frístundahús er samheiti yfir hús þar sem ekki er dagleg viðvera, byggð á svæði sem skv. deiliskipulagi er samþykkt fyrir aðra byggð en íbúðar- eða iðnaðarbyggð. Slík hús geta verið sumarbústaðir, hesthús, verbúðir o.fl. Eigandi skal leggja fram vottorð byggingarfulltrúa svæðisins um greiningu húsrýmisins ef hitaveitan óskar þess.
Þá er í skilmálunum fjallað um sérstöðu þessara húsa og þær kröfur sem kunna að vera gerðar um tengingu þeirra.
Það er regla hjá Norðurorku að gera kröfu um ofangreinda tengiskápa.
BAKVAKT