Græn orka er hugtak sem notað er yfir umhverfisvæna orku eins og vatnsorku, jarðvarma, sólar- eða vindorku og hefur þann meginkost að fela ekki í sér losun koltvísýrings og mengun. Græn orka þarf þó ekki endilega að vera endurnýjanleg en endurnýjanleg orka er sú orka sem kemur frá orkulind sem minnkar ekki, heldur endurnýjar sig stöðugt þegar tekið er af henni og helst þannig í jafnvægi.
Hvað er endurnýjanleg orkulind ?
Það er ekki alveg einfalt að skilgreina hvað telst endurnýjanleg orkulind, en á alþjóðavettvangi hafa menn þó komið sér saman um hvaða orkulindir skuli teljast endurnýjanlegar og hverjar ekki. Vatnsorka, vindorka, sólarorka og haforka eru góð dæmi um endurnýjanlegar orkulindir, þær eiga allar uppruna sinn í sólargeislun og munu viðhaldast svo lengi sem sólar nýtur. Jarðhitinn á rætur sínar að rekja til varmastraums djúpt úr heitum iðrum jarðar og mikillar varmaorku í jarðskorpunni sem endurnýjast stöðugt vegna geislavirkni í jörðu.
BAKVAKT