2. jún 2016

Framkvæmdir við aðveitustöð við Þingvallastræti - ónæði aðfaranótt laugardags

Uppfært kl. 16:00 föstudaginn 3. júní 2016

Komið er í ljós að fresta verður framkvæmdum við aðveitustöðina sem fara áttu fram í nótt. Þegar verið var að flytja álaga af aðveitustöðinni við Þingvallastræti yfir á aðveitustöðina við Kollugerði kom í ljós bilun á streng og því nauðsynlegt að fresta viðhaldsverkinu.

Til að fyrirbyggja misskilning þá átti viðhaldið á aðveitustöðinni við Þingvallastræti aldrei að leiða til rafmagnsleysis þar sem ætlunin var að fæða allan bæinn í gegnum aðveitustöðina við Kollugerði.

----

Næstu helgi verður unnið að viðhaldi á aðveitustöðinni við Þingvallastræti. Komið er að nauðsynlegu viðhald á steinsteyptu burðarvirki sem er sunnan við aðalbygginguna.  Aðeins er hægt að vinna þessa vinnu þegar álag á dreifikerfið er í lágmarki því nauðsynlegt er að taka stöðina úr rekstri meðan á vinnu stendur og álagið því flutt á aðra staði í kerfinu.

Búast má við verulegu ónæði af framkvæmdunum í nágrenni aðveitustöðvarinnar meðan háþrýstiþvottur á mannvirkinu fer fram en önnur vinna á síður að valda ónæði.

Gert er ráð fyrir að háþrýstiþvottur hefjist á föstudagskvöldið 3. júní og standi fram eftir nóttu og jafnvel fram á morgun.

Beðist er velvirðingar á því ónæði sem hlýst  af þessari vinnu.