24. apr 2015

Íbúafundur á Svalbarðsströnd

Íbúafundur var haldinn í Valsársskóla á Svalbarðsströnd miðvikudaginn 22. apríl þar sem farið var yfir stöðuna vegna mengunar í vatnsveitunni á Svalbarðsströnd.

Rúmlega tuttugu manns voru á fundinum.  Helgi Jóhannesson forstjóri Norðurorku fór yfir nokkur söguleg atriði og þar með þær endurbætur sem unnar hafa verið á vatnsveitunni frá því Norðurorka tók við henni árið 2005.  Farið var yfir stöðuna eins og hún er í dag og þær aðgerðir sem gripið hefur verið til hingað til.  Niðurstaðan er sú að til framtíðar litið sé nauðsynlegt að bora aðra vinnsluholu á vatnsvinnslusvæðinu við Garðsvík til viðbótar holu sem boruð var árið 2013.  Með því er stefnt að því að taka út lindir sem notaðar hafa verið á svæðinu og mestar líkur eru á að séu að mengast af völdum yfirboðsvatns sem kemst ofan í grunnvatnið sem fæðir þær.

Hér má sjá upplýsingablað sem tekið var saman í kjölfar íbúafundarins.

Íbúafundur á Svalbarðströnd 22. apríl 2015

Íbúafundur á Svalbarðströnd 22. apríl 2015