Þjónustusamningur við Nýherja

Norðurorka hf. og Nýherji undirrituðu í dag þjónustusamning um hýsingu netþjóna Norðurorku, auk vefhýsingar.

Samningurinn er til tveggja ára og felur m.a. í sér hýsingu á rekkavélum, vöktun netþjóna, rekstur stýrikerfis, afritatökur, vírusvarnir o.fl.  Nýherji rekur öfluga starfsstöð á Akureyri sem er einn af grundvallarþáttum við samningsgerðina.

Frá undirritun samningsins, f.v. Ottó Freyr Jóhannson söluráðgjafi Nýherja, Rögnvaldur Guðmundsson þjónustustjóri Nýherja, Sigurður J. Sigurðsson sviðstjóri þjónustu- og fjármálasviðs Norðurorku og Gunnar H. Gunnarsson verkfræðingur Norðurorku.