Með vefnum er Norðurorka að auka þjónustu við viðskiptavini, en þar er hægt að skoða notkun á rafmagni og heitu vatni, auk yfirlits yfir reikninga undanfarin ár. Hægt er á einfaldan og myndrænan hátt að sjá hvernig orkunotkun hefur þróast og senda inn álestur.
Öll viljum við vera samfélagslega ábyrg og þessi nýja tækni og aukna þjónusta gerir okkur kleyft að draga verulega úr pappírsnotkun. Norðurorka hefur því tekið ákvörðun um að senda ekki út greiðsluseðla, hreyfingaryfirlit og tilkynningar á pappírsformi til viðskiptavina sinna nema þeir óski sérstaklega eftir því.
Með boðgreiðslum geta viðskiptavinir nýtt þá þjónustu kortafyrirtækja (banka) að láta skuldfæra orkureikning á greiðslukortareikning sinn.
Til að virkja boðgreiðslur þarf að fylla út beiðni hér á síðunni en gæta þarf að því að sama kennitala sé skráð fyrir heimabanka viðkomandi og á orkureikningnum.
Með beingreiðslum geta viðskiptavinir nýtt sér þjónustu viðskiptabanka síns til þess að greiða föst útgjöld. Til þess að virkja beingreiðslur þarf viðskiptavinurinn að gera samning við sinn banka um þá reikninga sem hann vill að séu skuldfærðir sjálfvirkt á bankareikning sinn.
Boðgreiðslur færast sjálfkrafa á kreditkort mánaðarlega.
Hér er farið inn á umsókn um boðgreiðslu - umsóknin er á öruggu dulkóðuðu svæði.
BAKVAKT