Vegna vinnu við að fjarlægja brunna þarf að loka fyrir heita vatnið á stóru svæði í Giljahverfi á Akureyri og í fasteignum við Réttarhvamm, Rangárvelli, Hlíðarvelli og við Hlíðarfjallsveg og við Lögmannshlíðarveg frá kl. 04:00 aðfaranótt fimmtudagsins 3. júlí og fram eftir kvöldi á fimmtudaginn.
Viðskiptavinum er bent á að gæta vel að því að allir kranar séu lokaðir þegar vatn kemur á aftur. Eins er viðskiptavinum bent á að huga að hitakerfum sínum, dælum á gólfhitalögnum, varmaskiptum og öðrum slíkum búnaði. Jafnframt er mjög gott að lofttæma ofnakerfi eftir að vatnið er komið á. Hafi viðskiptavinir ekki þekkingu á búnaði sínum er nauðsynlegt að hafa samband við pípulagningameistara til þess að huga að kerfinu og búnaði þess.
Nánari fréttir af framvindu verksins verða settar inn undir fréttir hér á heimasíðunni.
Lokað verður fyrir heita vatnið í eftirtöldum götum í Giljahverfi:
Drekagil | Kiðagil | Tröllagil |
Dvergagil | Merkigil | Urðargil |
Fannagil | Skessugil | Valagil |
Fákagil | Skriðugil | Vesturgil |
Fornagil | Skuggagil | Víkurgil |
Fossagil | Skútagil | Vættagil |
Huldugil | Snægil | Vörðugil |
Þá er lokað fyrir vatnið í húsum við Réttarhvamm, Rangárvelli og Hlíðarvelli, við Hlíðarfjallsveg, þ.e. Glerá, Hlíðarenda og Hálönd og við Lögmannshlíðarveg, þ.e. í hesthúsahverfinu, Lögmannshlíð og Hesjuvöllum.
Hér fyrir neðan má sjá mynd af svæðinu sem lokunin tekur til.
Komi upp einhver vandamál þá er viðskiptavinum bent á að hafa samband við þjónustuver Norðurorku í síma 460-1300 á skrifstofutíma (8:00-16:00) en bakvakt Norðurorku í síma 892- 7305 utan þess tíma. Mjög gott er að lofttæma ofna í húsum með þar til gerðum lykli fyrir lofttæmingarkrana á ofnunum eftir að vatni hefur verið hleypt á að nýju. Sé fólk ekki með slíka lykla tiltæka eða telji sig ekki hafa næga þekkingu til að vinna slíkt verk þá endlega hafið samband við pípulagningameistara hússins.
Opnunartími í afgreiðslu:
Alla virka daga kl. 8-12 og 13-15
Opnunartími þjónustuborðs:
Mánudag til fimmtudags kl. 8-12 og 13-16
Föstudag kl. 8-12 og 13-15:20