Verkefnastjóri upplýsingamiðlunar og kynningarmála
Norðurorka leitar að einstaklingi með reynslu af upplýsingamiðlun og gerð markaðsefnis.
Í starfinu felst umsjón og þróun efnis á vef og samfélagsmiðla, fréttaskrif, fræðsla og miðlun upplýsinga til viðskiptavina og annarra hagaðila starfseminnar. Spennandi tækifæri á lifandi vinnustað sem leggur áherslu á fagmennsku og góð samskipti.
Frekari upplýsingar og umsóknarform
Um Norðurorku
Meginhlutverk Norðurorku er að þjónusta heimili og atvinnulíf með vinnslu og dreifingu á heitu vatni og neysluvatni, rekstri dreifikerfi raforku og rekstri fráveitu. Norðurorka er reyklaus vinnustaður og starfar skv. vottuðu gæðakerfi (ISO 9001).
Norðurorka er metnaðarfullt og vel rekið fyrirtæki sem laðar að sér hæft starfsfólk og hlúir að því. Við leggjum áherslu á að byggja upp nærandi starfsumhverfi þar sem starfsfólk vex og dafnar í lífi og starfi. Við erum framsækin í nýsköpun og þjónustu og berum ríka samfélagslega ábyrgð.
