Fréttir & tilkynningar

Á grundvelli breytinga á samþykktum Norðurorku sem gerðar voru á síðasta aðalfundi félagsins leitar Akureyrarbær nú eftir tveimur hæfum og áhugasömum einstaklingum til setu í stjórn Norðurorku.

Í sumar hefur Norðurorka unnið að því að fjarlægja hitaveitubrunna í Hamarsstíg, Engimýri og Víðimýri auk þess að fara í spennubreytingar í Engimýri. Sú vinna hefur gengið vel í góðu samstarfi við íbúa og verktaka, en óhjákvæmilegt er að svo viðamiklar framkvæmdir hafi áhrif á daglegt líf íbúa.

Þriðjudaginn 28. júlí komu nemendur frá Jarðhitaskóla Sameinuðu þjóðanna í heimsókn til Norðurorku, til að fræðast um starfsemi fyrirtækisins og rekstur hitaveitu á starfssvæði fyrirtækisins. Í fjölda ára hefur heimsókn frá skólanum verið fastur liður yfir sumartímann, en hópurinn fer víða um Norðurland og skoðar fleiri svæði á ferðalaginu.

Vegna framkvæmda í kringum stífluna í Glerárdal verður vegurinn lokaður frá svæði Skotfélags Akureyrar og upp að stíflunni, næstu 7-14 daga.

Sorpkvarnir eru ekki mjög algengar í íslenskum eldhúsum en þær eru þó seldar hjá nokkrum fyrirtækjum, og margir þekkja þær erlendis frá. Þær eru ekki hentugar fyrir fráveitukerfi Norðurorku.

Blautþurrkur eru eitt stærsta vandamálið í fráveitukerfi Norðurorku, enda eiga þær ekki að fara í klósettið heldur í ruslið.

Í klósettið á ekkert að fara nema piss, kúkur og klósettpappír.

Um síðustu helgi var ráðist í viðgerð á fráveitukerfinu í Þórunnarstræti, en þar uppgötvaðist fyrir stuttu að jarðvegur hafði sigið verulega og viðgerðin því mjög aðkallandi.

Sigurveig Árnadóttir, verkefnastjóri rannsókna og viðhalds hjá Norðurorku, hefur verið í Calgary í Kanada síðustu daga á Alþjóðaráðstefnu um jarðvarma (WGC).

Vegna viðgerða á fráveitulögn í Þórunnarstræti, verður gatan lokuð í báðar áttir frá gatnamótum við Byggðaveg og upp að gatnamótum við Hamarstíg frá klukkan 7 að morgni þann 13. júní og fram á sunnudagskvöld 14. júní, eða eftir því sem verkinu vindur fram.