11. jan 2019

Úthlutun samfélagsstyrkja Norðurorku 2019

Fimmtudaginn 10. janúar úthlutaði Norðurorka styrkjum til samfélagsverkefna og fór athöfnin fram í Háskólanum á Akureyri. Staðsetningin er vel við hæfi þar sem Norðurorka er bakhjarl Vísindaskóla unga fólksins sem rekinn hefur verið í Háskólanum undanfarin ár.

Í október 2018 auglýsti Norðurorka hf. eftir umsóknum um styrki til samfélagsverkefna og rann umsóknarfrestur út um miðjan nóvember. Fram kom að veittir væru styrkir til menningar- og lista, íþrótta- og æskulýðsstarfs og góðgerðarmála. Markmið með styrkjum Norðurorku hf. er að styðja við sjálfsprottið starf, starfsemi frjálsra félagasamtaka og framtak einstaklinga sem stuðlar að farsælli þróun samfélagsins, lífsgæðum og fjölbreyttu mannlífi.

Alls bárust 88 umsóknir. Flestar umsóknir bárust frá aðilum á starfssvæði Norðurorku sem nær frá Fjallabyggð til Þingeyjarsveitar en einnig komu nokkrar umsóknir annarsstaðar frá. Verkefnin voru fjölbreytt og greinilega mikil gróska í samfélaginu á fjölmörgum sviðum en að þessu sinni hlutu 42 verkefni styrk og nam heildarfjárhæð styrkja sjö milljónum króna.

Hér að neðan má sjá mynd sem Auðunn Níelsson tók af styrkþegum eða fulltrúum þeirra að lokinni úthlutun (Ath. að hægt er að stækka myndina með því að smella á hana). Einnig má sjá lista yfir þau verkefni eða þá aðila sem hlutu samfélagsstyrk Norðurorku árið 2019.

Styrkþegi	Verkefni
Aðalheiður S. Eysteinsd.	Sýningar í Alþýðuhúsinu á Siglufirði.
Aflið – Samtök gegn kynferðis- og heimilisofbeldi	Hópastarf með karlmönnum.
Aflraunafélag Akureyrar	Auka áhuga og gera aflraunir sýnilegri á Akureyri og nágrenni.
AkureyrarAkademían	Fræðandi fyrirlestrar á öldrunarheimilum.
Amtsbókasafnið á Akureyri	Menningardagskrá í tilefni af 100 ára útgáfuafmæli fyrstu ljóðabókar Davíðs Stefánssonar Svartar fjaðrir.
Bílaklúbbur Akureyrar	Námskeið fyrir börn og unglinga.
Björgunarsveitin Ægir Grenivík	Reisa nýtt aðstöðuhúsnæði.
Brynhildur Bjarnadóttir	Bókaútgáfa.
Dóróthea Jónsdóttir	Bókaútgáfa.
Eden Ísland samtökin	Námskeiðið „Growth - þroski - Að takast á við breytingar“ sem ætlað er öldruðum.
Eymundur L.Eymundsson	Geðfræðsla um félagsfælni.
Félag harmonikuunnenda við Eyjafjörð	Efling starfs harmonikuleikara með áherslu á þá tónlistar- og menningarhefð sem hefur ríkt í kringum harmonikuna.
Guðmundur Elías Hákonarson	Uppbygging aðstöðu í grenndarskógi Giljaskóla.
Helena Ósk Hilmarsdóttir	Heimsleikar Special Olympics 2019 í Abu Dhabi.
Hestamannafélagið Léttir	Afrekshópur fyrir unglinga og ungmenni í hestaíþróttum.
Hjartavernd Norðurlands	GO RED dagurinn - Alþjóðlegur hjartaverndardagur kvenna.
Hollvinasamtök SAk	Félagið er að fjármagna kaup á þvagskurðarlækningatæki auk berkjuspeglunartækis fyrir bráðadeild.
Hólmfríður Pétursdóttir	Útibókasafn í tilefni þess að á árinu eru 10 ár liðin frá því að Dagur læsis var fyrst haldinn hátíðlegur á Íslandi.
Jón Aðalsteinn Brynjólfsson	First lego leauge - vélmennakeppni sem haldin er árlega meðal grunnskólabarna.
Jón Haukur Unnarsson	Tónlistarhátíðin „Opinn dagur í Gúlaginu“.
Karatefélag Akureyrar	Ferðastyrkur fyrir þrjú ungmenni sem valin hafa verið í unglingalandsliðið í Karate.
Katrín Harðardóttir f.h. nemenda í Frumkvöðlafræði í VMA	Landskeppni ungra frumkvöðla vorið 2019.
Krabbameinsfélag Akureyrar og nágrennis	Málþing í tengslum við Mottumars.
Krabbameinsfélag Akureyrar og nágrennis	Fimm fræðslufyrirlestrar á vorönn.
Körfuknattleiksdeild Þórs - Unglingaráð	Menntun yfirþjálfara.
Laut - Athvarf fyrir geðfatlaða	Kaup á ýmsum tölvubúnaði sem þörf er á inn í reksturinn, m.a. v/fræðslu.
Lionsklúbburinn Ösp	Klúbburinn er að styrkja kaup Krabbameinsfélagsins á brjóstaspólu í segulómun.
Rannveig Oddsdóttir	„Orðaleikur“ er rafrænt námsefni fyrir börn og fjölskyldur af erlendum uppruna sem eru að læra íslensku sem annað mál.
Rauði krossinn við Eyjafjörð	Ungfrú Ragnheiður
Safnasafnið á Svalbarðsströnd	Umfjöllun um málverk og teikningar eftir Sigurð Einarsson.
Samhygð, samtök um sorg og sorgarviðbrögð	Stuðnings- og sorgarhópastarf fyrir fólk sem hefur upplifað sáran missi.
Sonja Magnúsdóttir	Bókaútgáfa
Sólveig Zophoníasdóttir	Róbótarallý
Sögufélag Eyfirðinga	Útgáfa ábúendatals fyrir gömlu hreppana þrjá framan Akureyrar.
Team Rynkeby	Góðgerðaverkefni sem gengur út á að safna fjármunum sem renna að fullu til Styrktarfélags krabbameinssjúkra barna.
Töfrahurð - Þórarinn Eldjárn & Elín Gunnlaugsdóttir	„Björt í sumarhúsi“ eru sýningar fyrir 4-9 ára börn sem fara fram á skólatíma.
Ungmennafélag Akureyrar (UFA)	Endurnýjun og fjölgun á áhöldum sem notuð eru til æfinga.
UMF Samherjar	Sundþjálfun fyrir börn á aldrinum 6-10 ára.
Unnur María Máney Bergsveinsdóttir - Húlladúllan	"Fjölskyldusirkussmiðjur í Eyþingi 2019".
Útgerðarminjasafnið á Grenivík	Viðgerð á bátnum Hermanni sem er að verða 100 ára.
Þjóðháttafélagið Handraðinn	Styrkur til að sauma 5 þjóðbúninga.
Þorgeir Jónsson f.h. Hollvinahóps Holts hús Öldu í Hrísey	Skiltagerð.

Til baka í yfirlit