Metanstöðin hefur verið opnuð

Metanafgreiðsla við gatnamót Miðhúsabrautar og Miðhúsavegar hefur verið opnuð.

Norðurorka hf. sér um vinnslu hauggas úr gömlu sorphaugunum á Glerárdal við Akureyri.  Boraðar eru vinnsluholur í hauginn og gasið leitt með pípum frá holunum í safnþró og þaðan með leiðslu niður að hreinisstöð sem er við gatnamót Miðhúsavegar og Breiðholstsvegar.  Þar er hauggasið hreinsað og til verður hreint metan sem hægt er að nota á metanbifreiðar. Frá hreinsistöðinni er gasið leitt undir þrýstingi niður í þjöppustöð og þaðan í afgreiðslubúnað til dælingar á birfreiðar.  Þjöppustöðin og afgreiðslan eru eins og áður segir við gatnamót Miðhúsabrautar og Miðhúsavegar.

Á síðasta ári var gerður samningur við OLÍS sem felur í sér að félagið tekur að sér markaðssetningu og smásölu á metani sem Norðurorka framleiðir.

Áætlað er að framleiða megi að minnsta kosti 600 þúsund Nm3 metans árlega sem svarar til notkunar á 600 fólksbíla á ári til ársins 2030 a.m.k.  Áætlaður kostnaður verkefnisins er um 380 milljónir króna.

Hauggas sem myndast úr sorphaugunum á Glerárdal inniheldur um 57% metan. Nýting á því metani sem myndast er mikill ávinningur fyrir umhverfið og Ísland í heild. Metan er um 23 x skaðlegra en CO2sem myndast við bruna í bílvél. Þá sparast auðvita að sama skapi kaup á erlendu jarðefnaeldsneyti fyrir þá bíla sem aka á inlendu metan.