Fréttir & tilkynningar

Umsækjendur eru hvattir til að fylla vandlega út umsóknarformið. Vel framsett umsókn með upplýsingum um fyrri störf og menntun er líklegri til að standast samanburð við aðrar umsóknir.

Þriðjudaginn 24. október 2023 eru konur og kvár hvött til að leggja niður launaða og ólaunaða vinnu allan daginn eins og konur gerðu þegar fyrst var boðað til kvennafrís á kvennaári Sameinuðu þjóðanna árið 1975.

Þriðjudagskvöld, miðvikudag og miðvikudagskvöld (17.-19. október) munu starfsmenn frá umhverfisverkfræðistofunni ReSource International gera lekaleit á hitaveitu innan Akureyrar og Ólafsfjarðar fyrir hönd Norðurorku.

Við í Norðurorku erum svo sannarlega stolt af því að vera á meðal þeirra fyrirtækja sem hlaut viðurkenningu Jafnvægisvogarinnar 2023. Það var hún Glódís Hildur Heiðarsdóttir sem tók við viðurkenningarskjalinu fyrir okkar hönd, en Glódís er einn af fimm öflugum fulltrúum starfsfólks í jafnréttisráði Norðurorku. 

Nú, ellefta árið í röð, er Norðurorka í hópi framúrskarandi fyrirtækja á Íslandi. Þar er Norðurorka á meðal þeirra 2% íslenskra fyrirtækja sem uppfylla skilyrði greiningar Creditinfo á Framúrskarandi fyrirtækjum.

Á komandi vikum munu starfsmenn frá umhverfisverkfræðistofunni ReSource International gera lekaleit á hitaveitu innan Akureyrar og Ólafsfjarðar fyrir hönd Norðurorku. Lekaleitin verður gerð með drónum þar sem teknar verða hitamyndir úr +50 m hæð af bænum vegna mögulegra leka á hitaveitulögnum.

Á PBI fer fram starfsþjálfun, starfsendurhæfing og vinna fyrir fatlað fólk. PBI er vinnustaður fyrir fólk sem vegna fötlunar eða af öðrum ástæðum er með skerta starfsgetu. Um er að ræða fjölbreyttan hóp starfsfólks með ólíkar áskoranir sem fær tækifæri til að vera virkur þátttakandi í íslensku atvinnulífi.

Norðurorka hefur fengið verkfræðistofuna Eflu til að gera athugun á varmatapi sundlauga og áhrif þess að nota yfirbreiðslur þegar laugarnar eru ekki í notkun.

Fráveitukerfin á Íslandi eru ekki hönnuð til að taka við miklu magni af matarleifum. Ekki nóg með að þær fari illa með lagnir vegna breytts sýrustigs, heldur auka þær einnig álag á dælu- og hreinsistöðvar með tilheyrandi aukningu í viðhaldi og kostnaði.

Þann 25. júlí komu nemendur í Jarðhitaskóla Sameinuðu þjóðanna í árlega heimsókn. Starfsmenn Norðurorku, Hrönn Brynjarsdóttir gæða- og öryggisstjóri og Pétur Freyr Jónsson yfirvélafræðingur, fóru með hópinn í leiðsögn um helstu vinnslusvæði hitaveitu á svæðinu, Laugaland og Hjalteyri.